Mae Volunteens yn blatfform ar-lein sydd wedi cael ei greu gyda'r nod o sicrhau bod pobl ifanc wrth wraidd yr holl waith a wnawn. Pwrpas y platfform yw dod â phobl ifanc o Sir Gaerfyrddin at ei gilydd drwy gynnig cyfleoedd gwirfoddoli sy'n ystyrlon a gwerth chweil, sy'n adlewyrchu diddordebau ein gwirfoddolwyr ifanc, ac sydd o fudd i'n cymunedau lleol.
Fe ddatblygwyd y platfform hwn yn dilyn llwyddiant y prosiect "Volunteens" wnaeth ymgysylltu â mwy na 200 o bobl ifanc ar draws y sir. Mae’r gwirfoddolwyr ifanc a gymerodd ran yn y prosiect hwnnw wedi mynd ati i greu'r adnoddau sydd ar ein gwefan ar hyn o bryd, gan sicrhau bod y platfform newydd yn adlewyrchu eu hanghenion a'u dyheadau nhw.
Elusen cyfiawnder cymdeithasol sy'n grymuso cymunedau ac unigolion i gyflawni newid go iawn yw Foothold Cymru. Rydym yn uno o dan weledigaeth gyffredin, sef creu cymunedau gwydn lle mae gan bawb safon fyw addas. Rydym wedi ymrwymo i ddarparu cymorth ymarferol er mwyn cefnogi unigolion o bob oedran i gael mynediad at gyfleoedd dysgu, gan chwalu rhwystrau i ddysgu gydol oes.
Oes gennych chi ddiddordeb mewn gwirfoddoli? Cliciwch ar y botwm isod i gychwyn ar eich taith gwirfoddoli nawr!