Aelod o’r tîm Gwasanaeth Cwsmeriaid - Llyfrgell Offer
Foothold Cymru
: 08/07/2024
Llanelli
Fel aelod gwirfoddol o dîm Gwasanaeth Cwsmeriaid y Llyfrgell Offer, byddwch yn gyfrifol am sicrhau profiad hwylus a dymunol i’n cwsmeriaid.
Rôl: Aelod o’r tîm Gwasanaeth Cwsmeriaid
Lleoliad: Llyfrgell Offer
Dyddiad dechrau: 26ain Gorffennaf 2024
Amser: 9:30yb – 12:30yp
Hoffwn i wirfoddoli
4
4 lle ar ôl
Cyfrifoldebau
Bydd eich dyletswyddau’n cynnwys:
- Cadw cofnod o lefelau stoc a diweddaru’r cofnodion hyn.
- Gwirio lefelau stoc, ac archebu stoc newydd yn ôl yr angen.
- Derbyn nwyddau sy’n cael eu danfon i'r llyfrgell a delio gyda gwerthwyr.
- Cydymffurfio gyda gweithdrefnau rheoli stoc sydd wedi cael eu sefydlu.
- Ymateb i gwynion ac ymholiadau gan gwsmeriaid.
- Rhoi gwybod i'r rheolwyr am unrhyw anghysondebau o ran lefelau stoc.
- Dadansoddi tueddiadau mewn rhestrau stoc a defnyddio hyn wrth archebu nwyddau yn y dyfodol.
- Glanhau a gwneud profion PAT ar ôl i’r offer gael ei ddychwelyd.
Beth fydd ei angen arnoch
- Agwedd “gallu gwneud” a sgiliau gwasanaeth cwsmeriaid rhagorol.
- Parodrwydd i fynd yr ail filltir i sicrhau bodlonrwydd ein cwsmeriaid.
- Cyfrifoldeb a dibynadwyedd.
- Mwynhau gweithio mewn amgylchedd cyflym ac amrywiol.
- Bod yn chwaraewr tîm da.
- Byddai profiad blaenorol o weithio gyda chwsmeriaid yn fantais, ond nid yw’n hanfodol. Y peth pwysicaf yw cael yr agwedd gywir.
Sgiliau y byddwch yn eu datblygu
Bydd gwirfoddoli fel aelod o’n tîm Gwasanaeth Cwsmeriaid yn eich helpu i ddatblygu’r sgiliau canlynol:
- Hyfedredd wrth ddefnyddio meddalwedd trefnu data: Byddwch yn dysgu sut i ddefnyddio offer fel Microsoft Excel i reoli stoc.
- Sgiliau cyfathrebu llafar ardderchog: Byddwch yn datblygu’ch gallu i gyfathrebu'n effeithiol gyda chwsmeriaid a gwerthwyr.
- Talu sylw arbennig i fanylion: Byddwch yn gwella eich gallu i gadw cofnodion cywir o lefelau stoc a sylwi ar unrhyw anghysondebau yn y data.
- Gwaith tîm: Byddwch yn datblygu sgiliau fydd yn eich helpu i weithio gydag eraill mewn amgylchedd cydweithredol.
- Sgiliau gwasanaeth cwsmer: Byddwch yn ennill profiad o ddarparu gwasanaeth eithriadol i'r cyhoedd a delio gydag ymholiadau a chwynion.
- Gweithio'n dda o dan bwysau: Byddwch yn dysgu sut i reoli’ch amser yn effeithiol a perfformio'n dda o dan bwysau.
- Rheoli stoc: Byddwch yn datblygu’ch sgiliau wrth gynnal lefelau stoc, archebu stoc newydd, a dadansoddi tueddiadau sy'n dod i'r amlwg.
- Gwneud profion PAT: Byddwch yn dysgu i adnabod pa offer trydanol sydd angen cael ei brofi.
Mae hwn yn gyfle gwych i chi ddatblygu sgiliau gwerthfawr, cyfrannu at y gymuned, a ffurfio rhan o dîm cyfeillgar sy'n ymroddedig i ddarparu gwasanaeth eithriadol. Os ydych yn unigolyn brwdfrydig a ddibynadwy ac yn awyddus i ddysgu, rydym yn eich annog i wneud cais!