Aelod o’r tîm Gwasanaeth Cwsmeriaid - Siop y Pentre
Foothold Cymru
: 08/07/2024
Llanelli
Fel aelod gwirfoddol o dîm Gwasanaeth Cwsmeriaid Siop y Pentref, byddwch yn gyfrifol am amrywiaeth o dasgau i sicrhau profiad siopa pleserus i’n cwsmeriaid.
Rôl: Aelod o’r tîm Gwasanaeth Cwsmeriaid
Lleoliad: Siop y Pentre Foothold
Dyddiad dechrau: 5ed Awst 2024
Hoffwn i wirfoddoli
4
4 lle ar ôl
Cyfrifoldebau
Bydd eich dyletswyddau’n cynnwys:
- Stocio silffoedd a rhoi trefn ar y nwyddau.
- Gosod stoc mewn modd deniadol a sicrhau bod pob ardal yn y siop yn lân ac yn daclus.
- Perfformio tasgau glanhau megis tynnu llwch, mopio’r lloriau, mynd â’r biniau allan ac unrhyw ddyletswyddau eraill sydd angen cael eu cyflawni er mwyn cadw'r siop yn lân.
- Bod yn gyfeillgar ac yn broffesiynol wrth groesawu cwsmeriaid i’r siop.
- Ateb cwestiynau am y cynnyrch a’r gwasanaethau sy’n cael eu cynnig yn y siop.
- Cyfeirio cwsmeriaid i wahanol ardaloedd yn y siop.
- Ymdrin ag ymholiadau gan gwsmeriaid, ac ateb unrhyw gwestiynau.
- Darparu gwasanaeth o safon a rhoi gwybodaeth briodol i gwsmeriaid.
- Rhoi amcan o gost y gwahanol wasanaethau a ddarperir, a chadarnhau argaeledd y cynnyrch yn y siop.
- Cymryd taliadau gan gwsmeriaid.
- Ailstocio silffoedd.
Beth fydd ei angen arnoch
- Agwedd “gallu gwneud” a sgiliau gwasanaeth cwsmeriaid rhagorol.
- Parodrwydd i fynd yr ail filltir i sicrhau bodlonrwydd ein cwsmeriaid.
- Cyfrifoldeb a dibynadwyedd.
- Mwynhau gweithio mewn amgylchedd cyflym ac amrywiol.
- Bod yn chwaraewr tîm da.
- Byddai profiad blaenorol o weithio gyda chwsmeriaid yn fantais, ond nid yw’n hanfodol. Y peth pwysicaf yw cael yr agwedd gywir.
Sgiliau y byddwch yn eu datblygu
Wrth wirfoddoli fel aelod o’n tîm Gwasanaeth Cwsmeriaid, byddwch yn datblygu’r sgiliau canlynol:
- Sgiliau gwasanaeth cwsmer: Byddwch yn datblygu eich gallu i ryngweithio gyda chwsmeriaid, deall eu hanghenion, a chynnig gwasanaeth rhagorol.
- Sgiliau cyfathrebu: Byddwch yn gwella eich gallu i gyfleu gwybodaeth mewn ffordd glir ac effeithiol.
- Sgiliau trefnu da: Byddwch yn dysgu sut i reoli stoc, tracio nwyddau sy’n cael eu danfon, a chadw'r siop yn lân ac yn drefnus.
- Sgiliau datrys problemau: Byddwch yn datblygu’ch gallu i ymdrin ag ymholiadau cwsmeriaid a datrys problemau yn effeithlon.
- Sgiliau rheoli amser: Byddwch yn dysgu sut i reoli'ch amser yn effeithiol i gyflawni nifer o dasgau wrth weithio mewn amgylchedd cyflym.
- Gwaith Tîm: Byddwch yn dysgu i weithio ar y cyd er mwyn cyflawni nodau cyffredin.
- Talu sylw arbennig i fanylion: Byddwch yn datblygu eich gallu i sylwi ar fanylion fydd yn helpu i gadw’r siop yn lân ac wedi’i stocio’n dda.
- Sgiliau gwerthu: Byddwch yn dysgu sut i gymryd taliadau gan gwsmeriaid a rhoi amcan o gost y gwahanol wasanaethau a ddarperir, gan wella’r profiad siopa yn gyffredinol.
- Hylendid bwyd
Mae hwn yn gyfle gwych i chi ddatblygu sgiliau gwerthfawr, cael cyfrannu at y gymuned, a ffurfio rhan o dîm cyfeillgar sy'n ymroddedig i ddarparu gwasanaeth eithriadol i'n cwsmeriaid. Os ydych yn unigolyn brwdfrydig a dibynadwy ac yn awyddus i ddysgu, rydym yn eich annog i wneud cais!